Sa themang kaarawan, nalalapit na ang ika apat na dekada na anibersaryo ng aking kapanganakan. Sa totoo lang, hanggang ngayon di ko pa rin alam kung mag hahanda ba ako. Bakit kaya ganun? Hindi ba, dapat aligaga ang tao sa paghahanda para sa kaarawan nito? Hindi ba, dapat masaya at maligalig ang tao sa pag iimbita ng bisita nito para sa kaarawan niya?
Nag aalinlangan ako kung maghahanda nga ako. Sabagay kasi hindi ko pa alam kung saan ko dapat idaos ang party. Minsan naiisip ko, gawin ko German style. Mag order ng mga cold cuts na nakapatong sa kahalating tinapay, mga iba’t-ibang klase ng keso, at mga Olives at paprika. Tapos maglagay din ng konting salad, ayos na. Mag imbita ng ilang tao sa isang restaurant for like 3 hours na kainan…tapos uwian na.
Pero, ang aking pagiging Pilipina ay kumokontra sa ideya na ito. Masaya naman kasi maghanda ng open end na party diba? Masa masarap din siyempre ang handang Pilipino. Ang walang kamatayang Pansit, Eskabche, Kaldereta, Humba o kaya Lechon. Isa pang problema, komo autumn baby ako, medyo malamig na sa buwan ng kaarawan ko. Hmmmm….. ano kaya maganda pakulo sa Oktubre?